Мужчына кінуўся пад колы грузавога МАЗа ў Менску (Фота)

Смяротная аварыя адбылася сёння раніцай на вуліцы Харкаўскай у Менску.

На дадзены момант вядома, што загінулы пешаход - мужчына. Яго збіў кіроўца МАЗа, машына належыць аднаму са сталічных будаўніча-рамонтных прадпрыемстваў. У ДАІ Фрунзенскага раёна паведамілі: «Інспектары апыталі відавочцаў. Людзі сцвярджаюць, што пешаход сам кінуўся пад колы грузавіка. Не выключана, што гэта быў суіцыд», паведамляе onliner.by.

Карыстальнік форума, зарэгістраваны пад нікам ppp555, напісаў (арфаграфія і пунктуацыя аўтара захаваныя): «Хуткасць МАЗа была невысокая (не больш за дапушчальную), дарога свабодная, можа перад ім на неблагой адлегласці ехала адна машына, тармазны шлях не больш за 10-12 метраў прыкладна, можа менш. На сустрэчнай паласе спыніліся адразу 3 машыны, далі каардынаты кіроўцу МАЗа, сталі выклікаць спец.службы. Ззаду спыніўся і прыкрыў цела загінулага ТО-18, які праязджаў міма. Кіроўцы машын супакойвалі кіроўцу МАЗа, наколькі я зразумеў чалавек наўмысна ступіў пад колы. Са слоў вадзіцеля МАЗа «чалавек стаяў і здалося што збіраўся галасаваць, а потым ступіў пад колы». Побач з месцам ДТЗ на траве засталася куртка і сумка (падобная на тую, што для грошай і дакументаў вешаецца на плячо). Прычым не раскідана па праезнай частке, а ляжыць акуратна на траве, прыкладна ў тым месцы, дзе ён ступіў на дарогу».

Інспектар, які афармляў ДТЗ, паведаміў папярэднюю версію. «МАЗ «Гаррамаўтадара» рухаўся па вул. Харкаўскай з боку вул. Гусоўскага (дзе ў гэты час праходзіць капітальны рамонт). Па газону паміж тратуарам і праезнай часткай ішоў мужчына. Як сцвярджаюць відавочцы, калі грузавік быў у метры ад яго, пешаход кінуўся на асфальт - як быццам нырнуў у ваду. І прама пад колы машыны. Вадзіцель не паспеў зрэагаваць, тым больш шматтонны грузавік складана спыніць маментальна. Тармазны шлях пачынаецца ўжо пасля месца наезду. Пешаход загінуў на месцы».

Пазней высветлілася, што загінуламу было 33 гады. Інспектары разглядаюць у якасці версіі самагубства. Канчатковую прычыну таго, што адбылося ўстановіць следства.