У Лондане адкрываюцца Алімпійскія гульні-2012

Урачыстая цэрымонія адкрыцця XXX летняй Алімпіяды ў Лондане дасць афіцыйны старт спаборніцтвам.

Летнія Алімпійскія гульні-2012 – трыдцатыя па ліку. Яны пройдуць у Лондане, сталіцы Велікабрытаніі, з 27 ліпеня па 12 жніўня. Лондан стане першым горадам, які прыме гульні ўжо трэці раз (да гэтага яны праходзілі там у 1908 і 1948 гадах).

Прыём заявак гарадоў-кандыдатаў быў завершаны 15 ліпеня 2003. Да гэтага моманту жаданне прыняць у сябе Гульні выказалі 9 гарадоў: Гавана, Стамбул, Лейпцыг, Лондан, Мадрыд, Масква, Нью-Йорк, Парыж і Рыа-дэ-Жанейра.

18 траўня 2004 года Міжнародны алімпійскі камітэт пасля ацэнкі ўсіх пададзеных заявак абраў 5 гарадоў, з якіх трэба было зрабіць выбар на 117-й сесіі МАК у ліпені 2005 года ў Сінгапуры. Гэтымі 5 гарадамі сталі Мадрыд, Масква, Нью-Ёрк, Парыж і Лондан.

Кандыдатура Лондана была абраная 6 ліпеня 2005 года. Адзіным кіраўніком урада, хто асабіста прадстаўляў заяўку сваёй краіны, стаў у Сінгапуры тагачасны прэм'ер-міністр Велікабрытаніі Тоні Блэр.

Для забеспячэння бяспекі Алімпійскіх гульняў будуць прыняты беспрэцэдэнтныя меры. Мяркуецца задзейнічаць у агульнай колькасці 40 тысяч чалавек, тым ліку 13 тысяч паліцэйскіх і 17 тысяч вайскоўцаў. Урад Велікабрытаніі разглядае пытанне аб магчымасці выкарыстання ў мэтах бяспекі ваеннай тэхнікі нават да зенітна-ракетных комплексаў «рапіра». Бюджэт бяспекі Алімпіяды-2012 складзе парадку 585 міліонаў фунтаў стэрлінгаў.

У межах Вялікага Лондана будуць размяшчацца большасць спартыўных аб'ектаў, якія будуць падзелены на тры зоны - алімпійскую, у Алімпійскім парку, рачную, уздоўж ракі Тэмзы на ўсходзе горада, і цэнтральную, у цэнтры і на захадзе рэгіёну.

Як паведамляў раней сайт charter97.org, беларускага дыктатара ў Лондан не пусцяць з-за пераследу апазіцыі.

«Лукашэнка знаходзіцца ў спісе асоб, якім забаронены ўезд у Еўразвяз з прычыны яго ўдзелу ў парушэнні міжнародных стандартаў падчас прэзідэнцкіх выбараў у Беларусі 19 снежня 2010 года, а таксама падаўлення грамадзянскай супольнасці і дэмакратычнай апазіцыі. Гэтая забарона застаецца ў сіле і будзе дзейнічаць падчас Алімпійскіх гульняў. Рашэнне па гэтым пытанні не будзе зменена», - паведамілі ў пасольстве Велікабрытаніі ў Беларусі.