Аліеў прыляцеў у Менск

28 жніўня ў Менск з афіцыйным двухдзённым візітам прыбыў кіраўнік Азербайджана Ільхам Аліеў.

Сёння ён сустрэнецца з Аляксандрам Лукашэнкай, пройдуць таксама беларуска-азербайджанскія перамовы ў пашыраным складзе.

«Бакі абмяркуюць стан і перспектывы развіцця двухбаковых гандлёва-эканамічных адносін, навукова-тэхнічнага і гуманітарнага супрацоўніцтва. На парадку дня таксама пытанні ўзаемадзеяння на міжнароднай арэне, у рамках шматбаковых інтэграцыйных аб'яднанняў», - паведаміла напярэдадні прэс-служба беларускага кіраўніка.

Па выніках перамоў плануецца падпісанне шэрагу двухбаковых дакументаў.