Лукашэнка падзякаваў Аліеву за падтрымку ў цяжкую хвіліну

Беларускі дыктатар удзячны кіраўніку Азербайджана Ільхаму Аліеву за падтрымку Беларусі, у тым ліку па пытаннях, звязаных з незалежнасцю дзяржавы.

«Вы прыехалі ў вельмі блізкую і дружалюбную краіну, дзе вас любяць і паважаюць за тыя вялікія справы, якія вы зрабілі для нашай дзяржавы, часам нестандартныя, па падтрымцы нашай краіны ў цяжкую хвіліну. І гэта было звязана з пытаннямі незалежнасці нашай дзяржавы. Не толькі я, але і беларусы пра гэта ведаюць і вельмі шануюць», - заявіў Лукашэнка ў аўторак у ходзе перамоў з кіраўніком Азербайджана, які прыбыў з афіцыйным візітам у Беларусь.

Ільхам Аліеў заявіў, што ў ходзе цяперашняга візіту бакам удасца вызначыць новыя шляхі развіцця адносінаў, новыя ініцыятывы і праекты, піша «Інтэрфакс».

Аліеў таксама запрасіў Лукашэнку наведаць Азербайджан з афіцыйным візітам у любы зручны для беларускага кіраўніка час.