У Глыбокім разбурылі стогадовы млын Радзівілаў (Фота, відэа)

У Глыбокім 27 жніўня разбурылі будынак млына, які стаяў на беразе Кагальнага возера з боку Менскай вуліцы.

Млын быў часткай маёнтка, які належаў князям Радзівілам, а ў першай палове XIX стагоддзя перайшоў да Вітгенштэйнаў, паведамляе сайт Westki.info.

У лістападзе 2010 года быў разбураны будынак «чырвонай школы», якая некалі была гаспадарчай пабудовай у сядзібе.

Цяпер улады сцерлі апошні след радзівілаўскага двара.

Разбурэнне адбылося ў рамках падрыхтоўкі да Дня беларускага пісьменства, які адбудзецца 2 верасня.

На відэа відаць, як цяжкая тэхніка знішчае стогадовыя сцены.