Лукашэнка даў Аліеву ордэн

Кіраўнік прыняў рашэнне аб узнагароджанні Ільхама Аліева ордэнам Дружбы народаў.

«Мною прынята рашэнне аб узнагароджанні прэзідэнта Азербайджана ордэнам Дружбы народаў, які ўручаецца палітычным дзеячам, якія ўнеслі вялікі ўклад у развіццё беларускай дзяржавы», - заявіў Аляксандр Лукашэнка ў аўторак у Менску, падводзячы вынікі перамоў, паведамляе «Інтэрфакс».

«Гэта гістарычная ўзнагарода, даніна павагі вам і ўсяму азербайджанскаму народу», - сказаў Лукашэнка, звяртаючыся да І.Аліева.

Кіраўнік зноў падзякаваў Аліеву за падтрымку ў «цяжкую хвіліну». «Калі нам было вельмі цяжка, мы звярнуліся да шэрагу дзяржаў за дапамогай. І першым адгукнуўся Азербайджан», - сказаў Лукашэнка.

Аліеў на гэта адказаў, што за апошнія гады адносіны паміж дзвюма краінамі «трансфармаваліся ў адносіны стратэгічных партнёраў».