29 сакавiка 2024, Пятніца, 18:45
Падтрымайце
сайт
Сім сім,
Хартыя 97!
Рубрыкі

У Доўску расейцы купілі аўтастанцыю пад казіно

66

Жыхары асцерагаюцца, што тут адкрыюць прыдарожны «бардэль».

Касір доўскай аўтастанцыі распавяла карэспандэнту charter97.org пра тое, што працаваць аўтастанцыя будзе да канца ацяпляльнага сезона, г.зн. да 1 красавіка, пасля чаго пяройдзе ва ўласнасць новым уладальнікам - расейцам.

Актывіст незалежнага прафсаюза РЭП Аляксей Паўлоўскі адным з першых заўважыў змены, якія закранулі аўтастанцыю.

«Я ўвесь час езджу ў гэтым кірунку. Аб'ява аб тым, што прадаецца аўтастанцыя вісела паўтара года. З будынка ўжо знялі шыльду «Доўск», а касіры сядзяць на валізках і нічога не ведаюць пра свой лёс.

Не выключана, што замест аўтастанцыі можа з'явіцца звычайны прыпынак без касіраў. У сувязі з гэтым я рыхтую зварот у Гомельаблаўтатранс, каб яны захавалі станцыю, так як яна знаходзіцца на важным скрыжаванні дарог. Я падазраю, што казіно будзе ні чым іншым, як прыдарожным бардэлем», - кажа Аляксей Паўлоўскі.

У Гомельаблаўтатрансе растлумачылі, што аўтастанцыя з'яўляецца стратнай і пытанне аб яе закрыцці стаяла ўжо даўно.

«Новы ўладальнік не супраць таго, каб да яго заязджалі аўтобусы з людзьмі, а ў яго будынку знаходзілася каса па продажы квіткоў. Аднак мы не выключаем таго, што людзі будуць звольненыя і квіткі будуць прадавацца на прыпынках самімі кіроўцамі. Гэтае пытанне будзе ў бліжэйшы час узгадняцца з мясцовымі ўладамі», - адказалі ў прыёмнай Гомельаблаўтранса.

Варта адзначыць, што Доўск з'яўляецца адным з зыходных пунктаў у раёны, якія найбольш моцна пацярпелі ад Чарнобыльскай катастрофы. Вёска размяшчаецца на сярэдзіне шляху паміж Магілёвам і Гомелем, у Рагачоўскім раёне Гомельскай вобласці. У вёсцы пражывае каля двух тысяч чалавек.

Напісаць каментар 66

Таксама сачыце за акаўнтамі Charter97.org у сацыяльных сетках