Гаагскі трыбунал расследуе ваенныя злачынствы ў Малі

Міжнародны крымінальны суд, які базуецца ў Гаазе, пачаў расследаванне паведамленняў аб ваенных злачынствах на поўначы Малі, занятай паўстанцамі-ісламістамі.

Са слоў пракурора Фату Бенсуды, некаторыя з дзеянняў ваенных старон з пачатку канфлікту могуць разглядацца як злачынствы супраць чалавечнасці.

Бенсуда дадала, што папярэдняе расследаванне апісвае выпадкі катаванняў, гвалту, забойстваў і масавых пакаранняў смерцю паведамляе ВВС.

Францыя пачала ваенную інтэрвенцыю ў Малі ў мінулую пятніцу, каб спыніць прасоўванне ісламістаў да Бамако.