Рэкорды луканомікі: У чарзе ледзь не задушылі жанчыну

Адкрыццё гандлёвага цэнтра «Віталюр» на вуліцы Рафіева ў Менску ледзь не скончылася трагедыяй.

З-за таго, што пры адкрыцці магазінаў тавары звычайна прадаюцца па заніжаных коштах, сёння ў гандлёвы цэнтр прыйшлі тысячы людзей.

Як паведамляе карэспандэнт charter97.org, падчас цісканіны каля ўваходу ў краму адна з патэнцыйных пакупніц паслізнулася і страціла прытомнасць.

Міліцыянты, якія дзяжурылі ў краме, убачыўшы тое, што адбылося, падышлі да жанчыны, праверылі пульс і, сказаўшы «так, яна, падобна, памерла», хутка селі ў прыпаркаваную побач машыну і з'ехалі, не стаўшы чакаць хуткай дапамогі.

Праз некалькі хвілін жанчына прыйшла ў сябе, хуткая дапамога прыбыла на месца здарэння толькі праз 20 хвілін. Жанчыну шпіталізавалі.

Варта адзначыць, што ажыятаж вакол адкрыцця крамы ніякім чынам не быў азмрочаны гэтым выпадкам. Людзі па-ранейшаму стаялі ў чарзе, літаральна пераступаючы пацярпелую, не звяртаючы ўвагі і на той факт, што людзі, якія выходзілі з пакупкамі з крамы, былі не задаволеныя і казалі: «Нічога цікавага там няма, такая ж крама, як і паўсюль».

Відэа - charter97.org