Прарыў водаправода ў Менску: вуліца ператварылася ў коўзанку
26- 19.01.2013, 16:38
На вуліцы Панамарэнкі прарвала трубу мясцовага водаправода.
Прычынай сталі моцныя маразы, піша TUT.BY.
Вада вылілася на праезную частку, наступствы гэтага ў 16-градусны мароз прадбачыць нескладана: спачатку вадкасць ператворыцца ў ледзяную кашу, а затым дзялянка праезнай часткі непазбежна стане коўзанкай.
Камунальныя службы прыбралі лёд з асфальту з дапамогай бульдозера, а рэшткі вады адпампоўвалі маторнай помпай.
ДАІ прапускала ў зону затаплення на Панамарэнкі толькі грузавікі і грамадскі транспарт: у легкавых аўтамабіляў «пераплысці» месца здарэння шанцаў не было - вада неўнікнёна патрапіла б у рухавік з усімі адсюль наступствамі. Зрэшты, кіроўцы тралейбусаў і аўтобусаў, загадзя папярэджаныя інспектарамі, перасякалі небяспечнае месца вельмі акуратна.