ЕЗ увёў новыя правілы правозу валюты праз мяжу

На ўсёй тэрыторыі ЕЗ з 1 студзеня пачала дзейнічаць адзіная форма мытнай дэкларацыі для заявы фізічных асоб аб перамяшчэнні грашовых сродкаў.

На тэрыторыі Еўразвяза з 1 студзеня пачалі дзейнічаць новыя мытныя правілы - яны тычацца ў тым ліку правозу грашовых сродкаў праз мяжу. На ўсёй тэрыторыі ЕЗ будзе прымяняцца адзіная форма мытнай дэкларацыі для заявы фізічнымі асобамі грашовых сродкаў. Новыя меры тлумачаць барацьбой са злачыннасцю і тэрарызмам, піша РБК.

Цяпер пры прыбыцці і адбыцці з тэрыторыі ЕЗ грамадзянін, які мае пры сабе суму ад 10 000 еўра, абавязаны падаць мытную дэкларацыю двойчы - як пры ўвозе, так і пры вывазе грашовых сродкаў. Дэклараваць варта не толькі наяўныя грошы ў еўра, але і эквівалент у любой іншай валюце, а таксама каштоўныя паперы і грашовыя інструменты, такія як дарожныя чэкі, вэксалі і таму падобнае. Правіла дзейнічае і пры праездзе праз краіны ЕЗ транзітам.

У дэкларацыі неабходна будзе пазначыць пашпартныя дадзеныя, інфармацыю аб уладальніку/уладальніках грашовых сродкаў (гэта можа быць фізічная або юрыдычная асоба), суму, паходжанне грошай (напрыклад, спадчына, асабістыя зберажэнні, продаж нерухомасці і г.д.) і іх прызначэнне. Акрамя таго, патрабуецца паказаць і дэталі паездкі (тып транспарту, нумар рэйса/цягніка/судна).

Калі ў дэкларацыі будуць ўказаны недакладныя ці няпоўныя звесткі, грамадзянін,  які падаў яе, панясе пакаранне, а грошы могуць быць канфіскаваныя.