Работнік беларускай пракуратуры стаў удзельнікам «Дома-2»

Былы супрацоўнік беларускай вайсковай пракуратуры стаў удзельнікам рэаліці-шоў «Дом-2».

Сяргей Cічкар нарадзіўся 13 кастрычніка 1986 у Смаргоні. Скончыў вайсковы і юрыдычны факультэт БДУ. Пасля працаваў у вайсковай пракуратуры Беларусі.

У афіцыйнай біяграфіі, размешчанай на сайце тэлепраекта, не згадваецца аб месцы працы беларускага ўдзельніка, напісана толькі пра тое, што ён быў начальнікам юрыдычнай службы. Пра тое, што Сяргей Січкар быў супрацоўнікам вайсковай пракуратуры, сведчыць ягоная фатаграфія ў форме, дасланая сайту charter97.org чытачом.

«Праслужыўшы, я зразумеў, што гэта не маё. Год таму я звольніўся і пераехаў у Маскву. Цяпер працую юрыстам у кампаніі», - кажа Сяргей Січкар.