Азаранка абвінавацілі ў махлярстве

Медыцынскі перапынак, узяты Вікторыяй Азаранка ў фінале яе паўфіналу Australian Open супраць Слоўн Стывенс, выклікаў бурную рэакцыю тэніснай грамадскасці.

Беларуская тэнісістка не рэалізавала пяць матчболаў, пасля чаго пакінула корт на медыцынскі перапынак, які доўжыўся прыкметна даўжэй, чым звычайна. Па вяртанні першая ракетка свету зрабіла вырашальны брэйк, а ў пасляматчавым інтэрв'ю ў адказ на пытанне аб траўме адказала, што перанервавалася, піша партал Sports.ru.

Каментатар тэлеканала ESPN і адзін з кіраўнікоў Асацыяцыі тэніса ЗША (USTA) Патрык Макінрой выказаў абурэнне паводзінамі Вікторыі Азаранка:

«Так, давайце-ка растлумачым. Яна расхваляваліся і таму сышла з корта. Розуму неспасціжна. Гэта што, жарт такі? Нейкая карыкатура».

Многія прадстаўнікі прэсы і нават гульцы крытычна выказаліся ў адрас першай ракеткі свету. Так, Брэд Гілберт напісаў:

«Па-мойму, гэта вельмі дрэннае правіла - што можна пакідаць корт перад падачай суперніцы. І наогул, што гэта было - два перапынкі з-за розных траўмаў ці проста спосаб прывесці галаву ў парадак?»

Тэнісісты Майкл Расэл і Дэвін Брытан адзначылі:

«Заўсёды прыемна, калі твой супернік па паўфіналу «Шлема» бярэ 10-хвілінны медыцынскі перапынак перад тым, як табе падаваць на тое, каб застацца ў матчы!

Як у WTA наогул такое дапускаюць? Хацеў бы я паспрабаваць такое з АТР! «Мне горача - дайце мне тайм-аўт»

Галоўны рэдактар The Tennis Space Сайман Кэмберс заявіў:

«Жахліва ў адносінах да Слоўн Стывенс, што Азаранка ўзяла двайны медыцынскі перапынак пры ліку 5:4. Вельмі сумняваюся, што гэта было дапушчальна ў такой сітуацыі.

Павінен сказаць, Вікторыя Азаранка вельмі ўмела выклікае да сябе антыпатыю».

Крыстафер Клэр (International Herald Tribune, New York Times) так пракаментаваў учынак беларускай тэнісісткі:

«Так. Ты нервуешся і не можаш справіцца з эмоцыямі і таму прымушаеш сваю саперніцу 10 хвілін чакаць яе падачы? Спадзяюся, я тут нешта выпускаю».

Бэн Ротэнберг (New York Times) заявіў:

«Толькі што ўдакладніў у супервайзера: па рэгламенце турніраў «Вялікага шлема», паніка - не падстава для медыцынскага перапынку».

«Зазірнуў у правілы турніраў «Вялікага шлема»: Азаранка магла быць дыскваліфікавана за тое, што ўзяла медыцынскі перапынак не з-за хваробы/траўмы апорна-рухальнага апарата», - сказаў Мэт Кронін (Tennis Reporters).

Самы тытулаваны расейскі тэнісіст Яўген Кафельнікаў, абмяркоўваючы паўзу Азаранка, напісаў: «Менавіта гэта я называю махлярствам».