Цыгарэты падаражэюць і ў лютым
75- 25.01.2013, 21:23
У лютым 2013 года на 5-10% падвысяцца максімальныя рознічныя кошты на некаторыя маркі цыгарэт.
Пра гэта паведамілі ў Міністэрстве падаткаў і збораў, піша БелТА.
У лютым у параўнанні са студзенем 2013 года падвысяцца кошты на 4,9% на цыгарэты «Форт» вытворчасці ТАА «Тытунь-інвест» - з Br4100 да Br4300 за пачак. На імпартныя цыгарэты Sobranie, што рэалізуюцца ГА «Беларусьгандаль», яны падвысяцца з Br30 тыс. да Br33 тыс. за пачак. Акрамя таго, устаноўленыя кошты на новыя тыпы цыгарэт вытворчасці ААТ «ГТФ Нёман» - Queen Colibri і Portal ONE, кошт якіх складзе Br4100 за пачак.