У Іране арыштаваныя больш за 15 журналістаў
2- 28.01.2013, 9:54
Новая хваля арыштаў прайшла ў Іране, дзе цягам двух дзён было арыштавана больш за 15 журналістаў.
Былі арыштаваныя журналісты з апазіцыйных выданняў, лаяльных рэфармістаў, агенцтваў ILNA, газет Etimad, Sharq Bahar, Arman, Sharq і часопіса Aseman.
Паводле звестак Mehr News, журналісты былі арыштаваныя на падставе ордэра, выдадзенага судовай сістэмай Ірана.
Газета Etimad, а таксама рэдакцыі іншых выданняў пацвердзілі, што іх супрацоўнікі арыштаваныя.
Паводле дадзеных Fars, арыштаваныя абвінавачваюцца ў супрацоўніцтве з заходнімі СМІ, і неўзабаве пракуратура зробіць афіцыйную заяву ў гэтай справе.
На мінулым тыдні судовы прадстаўнік Ірана Галам-Хасэйн Махсэні-Эжэі сказаў, што паводле інфармацыі з надзейных крыніц, журналісты, якія працавалі ў мясцовых сродках масавай інфармацыі ў Іране, таксама працавалі на заходнія крыніцы навін.