28 сакавiка 2024, Чацвер, 15:46
Падтрымайце
сайт
Сім сім,
Хартыя 97!
Рубрыкі

Магілёўскі ідэолаг прыпісаў вяртанне гістарычных кніг уладам

27
Магілёўскі ідэолаг прыпісаў вяртанне гістарычных кніг уладам

Гаворка ідзе пра Статут Вялікага княства Літоўскага 1588 года і «Вялікае мастацтва артылерыі 1676» Казіміра Семяновіча.

У інтэрв'ю газеце «Веснік Магілёва» намеснік старшыні магілёўскага гарвыканкама Мікалай Міхаленя, адказны за ідэалогію ў горадзе, падвёў вынікі працы і дасягненняў у галіне культуры і сацыяльнай сферы ў 2012 годзе.

У кантэксце размовы ён паведаміў, што за кошт спонсарскіх сродкаў і добраахвотных ахвяраванняў грамадзян быў выкуплены Статут Вялікага княства Літоўскага 1588 года і кніга Казіміра Семяновіча «Вялікае мастацтва артылерыі» 1676.

Пры гэтым пра ініцыятараў кампаніі ў пошуку і зборы сродкаў на выкуп каштоўных выданняў - менскага студэнта Андрэя Радкова і дырэктара музея гісторыі Магілёва Аляксея Бацюкова - ён не сказаў ні слова.

Падчас акцыі мясцовыя ўлады самаўхіліліся ад кампаніі пошуку сродкаў для выкупу рарытэтных выданняў. Яны і не дапамагалі ў зборы грошай, і не заміналі.

Мікалай Міхаленя вядомы ў Магілёве тым, што дазволіў правядзенне ў горадзе фашысцкага «Славянскага маршу», у якім прынялі ўдзел некалькі дзясяткаў прыхільнікаў ідэі панславянізма.

Як паведамляў сайт charter97.org, для выкупу Статута ВКЛ было сабрана 45 тысяч даляраў, а на кнігу Казіміра Семяновіча «Вялікае мастацтва артылерыі» - 8 тысяч даляраў. У параўнанні з праведзенай актывістамі кампаніяй збору сродкаў для выкупу кніг усе дасягненні мясцовага гарвыканкама ў галіне культуры ў 2012 годзе выглядаюць проста мізэрнымі.

Напісаць каментар 27

Таксама сачыце за акаўнтамі Charter97.org у сацыяльных сетках