29 сакавiка 2024, Пятніца, 9:36
Падтрымайце
сайт
Сім сім,
Хартыя 97!
Рубрыкі

Мясніковіч прапануе Расеі стварыць пяць ТНК

24
Мясніковіч прапануе Расеі стварыць пяць ТНК

Урад Беларусі прапануе Расеі рэалізаваць супольныя праекты для стварэння пяці беларуска-расейскіх транснацыянальных карпарацый.

Пра гэта заявіў прэм'ер-міністр Беларусі Міхаіл Мясніковіч на сустрэчы з дзяржсакратаром «саюзнай дзяржавы» Грыгорыем Рапотам у чацвер у Менску, піша «Інтэрфакс».

«Нас чакае вялікая праца, у снежні мы дамовіліся з Дзмітрыем Мядзведзевым аб тым, што зробім пяць супольных праектаў, якія дадуць пачатак стварэнню беларуска-расейскіх ТНК», - сказаў Мясніковіч.

Беларускі прэм'ер падкрэсліў, што рэалізацыя супольных праектаў у эканоміцы з'яўляецца адказам на пытанне аб далейшых перспектывах існавання «саюзнай дзяржавы». «У нас ва ўрадзе апошнім часам пазітыўна ацэньваюць актывізацыю саюзнага будаўніцтва. Інтэграцыйныя працэсы ідуць не на паперы - рэалізуюцца пэўныя праекты. Гэта адказ на пытанне, што далей рабіць у саюзных стасунках», - сказаў Мясніковіч.

Паводле ягоных слоў, «гэтыя праекты сёння рэалізуюцца ў прамысловасці, машынабудаванні, біятэхналогіях, энергетыцы, навуцы, адукацыі». «Галоўнае, што гэтыя праекты робяцца на будучыню», - адзначыў прэм'ер. Мясніковіч сказаў, што прапанаваныя расейскай старане праекты разгледжаныя на прэзідыуме Савета Міністраў Беларусі. «Гэта значныя праекты, і ёсць прапановы ўсім структурам «саюзнай дзяржавы» ўключыцца ў іх рэалізацыю», - сказаў прэм'ер-міністр.

Рапота ў сваю чаргу падкрэсліў высокую зацікаўленасць «саюзных» структур у рэалізацыі гэтых праектаў. «Адразу пасля «саюзнага» Саўміна (у снежні 2012 года - ІФ) мы ўключыліся ў гэту работу», - заявіў Рапота. Паводле ягоных слоў, напярэдадні ён правёў сустрэчу з першым віцэ-прэм'ерам беларускага ўрада Уладзімірам Сямашкам, дзе асноўны час быў прысвечаны гэтай тэме.

Напісаць каментар 24

Таксама сачыце за акаўнтамі Charter97.org у сацыяльных сетках