Мясніковіч на выходных тэлефанаваў Мядзведзеву

Падрабязнасці размовы невядомыя.

Пра тэлефонную размову, якая адбылася ў суботу 5 кастрычніка, паведамляе прэс-служба Савета міністраў.

«Па ініцыятыве беларускага боку адбылася тэлефонная размова прэм'ер-міністра Рэспублікі Беларусь Міхаіла Мясніковіча са старшынёй урада Расейскай Федэрацыі Дзмітрыем Мядзведзевым. Кіраўнікі ўрадаў абмеркавалі бягучыя і перспектыўныя пытанні двухбаковага і шматбаковага супрацоўніцтва, - гаворыцца ў паведамленні.

Нагадаем, менавіта па запрашэнні беларускага прэм'ер-міністра ў Менск 26 жніўня прыляцеў генеральны дырэктар расейскай кампаніі «Уралкалій» Уладзіслаў Баўмгертнер. У той жа дзень ён быў затрыманы і кінуты ў СІЗА КДБ. Супраць яго распачалі крымінальную справу, абвінаваціўшы ў злоўжыванні ўладай і службовымі паўнамоцтвамі. Праз месяц бізнесмена перавялі пад хатні арышт.