19 чэрвеня 2019, Серада, 23:11
Мы ў адной лодцы
Рубрыкі

«Неўязныя» прапагандысты і алігархі судзяцца з ЕЗ

74

Фігуранты «чорнага спісу» дамагліся ад суда ЕЗ аплаты паслуг адваката.

На днях Рада ЕЗ перагледзела «чорны спіс»: 13 чалавек выкрасленыя, трое дададзеныя. Тым часам працягваюцца баталіі ў Судзе Еўразвяза: цэлых 9 спраў па скаргах беларускіх фізічных і юрыдычных асоб, унесеных у санкцыйны спіс, прынятыя да разгляду, піша belinstitute.eu.

Пефціеў, Чыж, Цярнаўскі - заяўнікі ў Судзе ЕЗ

Акрамя Уладзіміра Пефціева і асобна трох яго кампаній («Белтэхэкспарт», «Спорт-пары», «БТ Тэлекамунікацыі») у Суд Еўразвяза падалі і іншыя вядомыя бізнесмены. У траўні 2012 г. у судовыя органы ЕЗ звярнуўся Анатоль Цярнаўскі (прычым месцам яго пражывання паказаная Масква), у жніўні таго ж года - Юрый Чыж і яго 13 кампаній у рамках адной справы і ФК «Дынама-Менск» - у рамках іншай.

7000 еўра для Аляксея Міхальчанкі, 6000 еўра - для Вадзіма Іпатава

Прапагандыст Аляксей Міхальчанка (на фота) і намеснік старшыні ЦВК Вадзім Іпатаў не проста паскардзіліся ў Суд ЕЗ, але і дамагліся фінансавай дапамогі на аплату паслуг добрага адваката.

Абодва заяўніка скарысталіся артыкулам 94 Рэгламенту Агульнага суда ЕЗ аб прававой дапамозе. Згодна з палажэннямі артыкула, суд павінен часткова або цалкам пакрыць выдаткі, звязаныя з паслугамі адваката і іншай прававой дапамогай у выпадку, калі заяўнік знаходзіцца ў цяжкай эканамічнай сітуацыі. Яе суд ацэньвае, прымаючы да ўвагі «аб'ектыўныя фактары, такія як узровень даходаў, наяўнасць капіталу і сямейнае становішча».

У выніку і Міхальчанка і Іпатаў прадставілі Суду ЕЗ дакументы аб памеры сваіх заробкаў і сямейным становішчы, зыходзячы з якіх суд палічыў неабходным даць заяўнікам прававую дапамогу.

З дакументаў суда ЕЗ вынікае, што Міхальчанка разлічваў на суму прававой дапамогі як мінімум 30 тысяч еўра. З прадстаўленых ім разлікаў вынікала, што толькі паслугі нанятага адваката, выпускніка французскай Сарбоны М. Міхалаўскаса будуць складаць у раёне 11,5 - 13,5 тыс. еўра.

Аднак Суд ЕЗ, належачы на ранейшыя прэцэдэнты, ўстанаіў верхнюю планку прававой дапамогі ў памеры 7 тыс. еўра для Міхальчанкі і 6 тыс. еўра для Іпатава. Выплата будзе праведзеная непасрэдна адвакату (у абодвух заяўнікаў адвакат Міхалаўскас) на падставе дэталізацыі аказаных прававых паслуг па заканчэнні судовых разглядаў.