МНС правядзе праверку сістэмы апавяшчэння

МНС правядзе заўтра тэхнічную праверку апавяшчэння насельніцтва.

«27 лістапада ў рамках тэхнічнай праверкі сістэмы апавяшчэння Міністрэства па надзвычайных сітуацыях Рэспублікі Беларусь запланаваны шэраг мерапрыемстваў: праверкі функцыянавання абсталявання перахопу радыёвяшчальных станцый, апавяшчэння насельніцтва з выкарыстаннем SMS-рассылання мабільных аператараў, бягучага радка на тэлеканалах», - гаворыцца ў паведамленні МНС.

Так, гледачы рэспубліканскіх тэлеканалаў убачаць бягучы радок «Тэхнічная праверка сістэмы апавяшчэння МНС Рэспублікі Беларусь», аналагічнае аўдыёпаведамленне прагучыць для слухачоў FM-радыёстанцый, а карыстальнікі трох аператараў сотавай сувязі ў Свіслацкім і Старадарожскім раёнах атрымаюць СМС-паведамленні аналагічнага зместу.

МНС просіць з разуменнем паставіцца да неабходнасці правядзення праверкі сістэмы апавяшчэння.