Беларусь саступіла Ізраілю ў заключным матчы Кубка федэрацыі
15- 10.02.2013, 10:46
Паразай ад Ізраіля з лікам 0:2 скончылі беларускія тэнісісткі выступ у першым раўндзе першай групы Еўра-Афрыканскай зоны Кубка федэрацыі.
Спаборніцтвы праходзяць у Эйлаце з 6 да 10 лютага. Абедзве каманды, якія занялі другія месцы ў сваіх падгрупах, страцілі шанцы змагацца за выхад у плэй-оф II Сусветнай групы, паведамляе БелаПАН.
Сустрэча Беларусь-Ізраіль прайшла 9 лютага ў рамках міні-турніру за 5-8-е месца. Лідзія Марозава (575-е месца ў рэйтынгу) саступіла Юліі Глушко (181) - 2:6, 4:6, а Ілона Крэмень (243) - Шахар Пэер (91) - 3:6, 2:6.
У наступным годзе Беларусь таксама выступіць у першай групе Еўра-Афрыканскай зоны Кубка федэрацыі.