«Грэмі»: кампазіцыя We Are Young стала лепшай песняй года
8- 11.02.2013, 9:10
У Лос-Анджэлесе завяршылася цэрымонія ўручэння галоўных узнагарод музычнай індустрыі.
Кампазіцыя We Are Young, запісаная групай Fun пры ўдзеле Жанэль Манэ, прызнаная лепшай песняй года, паведамляе «Голас Амерыкі».
У намінацыі «Запіс года» перамог аўстралійскі спявак Гацье з песняй Somebody That I Used to Know, запісанай сумесна з Кімбрай. Гацье таксама прызнаны пераможцам у намінацыі «Лепшы альбом альтэрнатыўнай музыкі».
«Альбомам года» стаў Babel групы Mumford&Sons.
Фрэнк Оушэн, які ўпершыню з'явіўся ў спісах прэтэндэнтаў на «Грэмі», быў ганараваны ўзнагароды ў намінацыі «Лепшы альбом у стылі urbancontemporary» і «Лепшае рэп-песеннае сумеснае выкананне».
Удзельнікі трохгадзіннай цэрымоніі таксама ўшанавалі памяць нядаўна памерлых музычных зорак, уключаючы індыйскага віртуоза гульні на сітары Равві Шанкара, які пасмяротна быў ганараваны «Грэмі» за ўклад у развіццё музыкі.
Акрамя таго, альбом Шанкара The Living Room Sessions быў прызнаны пераможцам у намінацыі «Лепшы альбом этнічнай музыкі». Прэмію атрымала дачка музыкі Анушка Шанкар, якая прэтэндавала на тую ж самую ўзнагароду са сваім альбомам Traveller.
Сярод іншых пераможцаў апынуўся Джымі Кліф, ганараваны ўзнагароды ў намінацыі «Лепшы альбом у стылі рэгі». Рэпэры Jay-Z і Канье Уэст атрымалі ўзнагароды за лепшае рэп-выкананне і лепшую песню ў стылі рэп.