Выбух на шахце ў Комі: загінулі дзевяць чалавек

Пры выбуху на шахце «Варкуцінская» ў рэспубліцы Комі загінулі дзевяць чалавек, заявілі ў МУС рэспублікі.

На паверхню паднятыя тры целы. Як гаворыцца ў паведамленні ведамства, лёс васьмі гарнякоў застаецца невядомым. Раней агенцтвы са спасылкай на крыніцу ў праваахоўных органах Комі паведамлялі, што пад заваламі маглі застацца дзевяць гарнякоў, прычым пра загінулых не гаварылася, піша lenta.ru.

Выбух на вугальнай шахце «Варкуцінская» адбыўся ў 10:28 па маскоўскім часе. Па дадзеных МНС РФ, на ўчастку ў момант выбуху знаходзіліся 22 шахцёра. Чацвёра з іх, казалі ў ведамстве, самі падняліся на паверхню. Пазней агенцтвы неафіцыйна паведамілі, што пры выбуху пацярпелі восем чалавек, у той час як лёс яшчэ дзевяці заставаўся невядомым.

Па неафіцыйнай інфармацыі, з шахты выведзеныя 250 чалавек.

Шахта «Варкуцінская» здадзеная ў эксплуатацыю ў 1973 годзе. З 1990-х гадоў да выбуху 11 лютага 2013 года на ёй загінулі 15 чалавек. Прадпрыемства належыць «Поўначсталі».