Забастоўка ў нямецкіх аэрапортах: адмененыя сотні рэйсаў

Забастоўка, якую ў чацвер праводзяць супрацоўнікі службаў бяспекі аэрапортаў Дзюсельдорфа і Гамбурга, ужо прывяла да адмены, па меншай меры, 270 рэйсаў.

Прадстаўніца прафсаюза работнікаў сферы паслуг распавяла, што прычынай забастоўкі стаў правал чарговага раунда перамоў па аплаце працы. Пратэстоўцы патрабуюць павышэння зарплаты ў сярэднім на 30%. Прапановы, якія на апошняй сустрэчы ў мінулы чацвер агучыў працадаўца, Федэральны саюз работнікаў сферы бяспекі, прафсаюзы не задавальняюць. Прафсаюз не выключае, што забастоўка можа быць працягнутая ў пятніцу, піша РІА «Новости».

Па словах прадстаўніка Дюсельдорфскага аэрапорта Уда Зайдлера (Udo Seidler), з-за забастоўкі прыйшлося адмяніць 183 рэйса: 122 вылета і 61 прылёт. Усяго на чацвер запланаваны каля 550 рэйсаў. «Цяпер у аэрапорце працуюць 11 пунктаў кантролю бяспекі. Звычайна гэты лік нашмат больш. У выпадку вялікай нагрузкі мы звычайна можам адначасова задзейнічаць да 42 пунктаў», - сказаў ён.

Прадстаўніца аэрапорта Гамбурга Карэн Штайн (Karen Stein) паведаміла, што з 179 вылетаў адмененая палова. Дакладнага ліку ануляваных рэйсаў яна назваць не змагла, таксама як і колькасці скасаваных прылётаў. «Па прылёце ў мяне зараз дадзеных няма. Але там таксама ёсць адмены», - заявіла яна, дадаўшы, што з-за забастоўкі зараз працуюць толькі два пункты надгляду багажу супраць 20 у звычайны час.

Аэрапорты Дзюсельдорфа і Гамбурга ўваходзяць у лік самых загружаных у Германіі. Па аб'ёме пасажырапатоку яны займаюць, адпаведна, трэцяе і пятае месцы. Дзюсельдорфскі аэрапорт у дзень прымае і адпраўляе каля 44,5 тысячы пасажыраў, гамбургскі - звыш 37 тысяч. У студзені ў гэтых паветраных гаванях ужо праходзілі забастоўкі супрацоўнікаў службаў бяспекі. Тады былі адмененыя сотні рэйсаў, у тым ліку рэйсы германа-расейскага паведамлення, што закранула дзесяткі тысяч пасажыраў.