NASA пакажа збліжэнне небяспечнага астэроіда з Зямлёй online

Рэкорднае збліжэнне з Зямлёй астэроіда дыяметрам 45 метраў адбудзецца сёння ў 21.25 па менскім часе.

NASA пакажа яго ў прамым эфіры.

Як паведаміла ўпраўленне, навукоўцы і спецыялісты пракаментуюць здымкі астэроіда, якія будуць атрыманыя «ў рэжыме рэальнага часу» з дапамогай астранамічнай абсерваторыі ў Аўстраліі і тэлескопа ў касмічным цэнтры імя Маршала ў Хантсвіле (штат Алабама), перадае ІТАР-ТАСС.

Прапанаваўшы ўсім жадаючым сачыць разам з прафесійнымі астраномамі за падзеяй, NASA нагадала, што астэроід не нясе ніякай пагрозы ні самой планеце, ні спадарожнікам на яе арбіце, ні Міжнароднай касмічнай станцыі.

«Яго траекторыя добра вывучаная, і ў яго няма ніякіх шанцаў сутыкнуцца з Зямлёй», - заявіў кіраўнік праграмы NASA па назіранні за аб'ектамі ў калязямной прасторы Ліндлі Джонсан.

Паводле разлікаў спецыялістаў, астэроід, які мае парадкавы нумар 2012DA14, наблізіцца да Зямлі на 27,7 тысячы кіламетраў - самае малая адлегласць, якая было зафіксаваная для падобных нябесных целаў.

У гэты час ён будзе знаходзіцца прыкладна над інданезійскім востравам Суматра, ва ўсходняй частцы Індыйскага акіяна.

Маса 2012DA14, адкрытага год назад іспанскімі астраномамі, складае 130 тысяч тон, а хуткасць руху - 28,1 тыс. км у гадзіну ці 7,82 км у секунду.