БЧ перастала прадаваць квіткі на цягнікі ва Украіну з 30 сакавіка

Беларускай чыгункай часова прыпыненая рэалізацыя квіткоў на міжнародныя пасажырскія цягнікі ў зносінах з Украінай з 30 сакавіка.

Пра гэта паведаміў намеснік начальніка аддзела арганізацыі пасажырскіх перавозак пасажырскай службы БЧ Канстанцін Баяр, перадае БелТА.

«Гэта выклікана тым, што ў суседняй краіне пакуль не вызначыліся з прыняццем рашэння аб пераходзе на летні час, у сувязі з чым ўкраінскімі чыгункамі прыпыненая рэалізацыя білетаў у зносінах з Беларуссю і Расеяй», - удакладніў спецыяліст. Дадзеныя меры неабходныя, каб выключыць магчымыя канфліктныя сітуацыі з пасажырамі пасля пераходу на летні час. Пасля таго як украінскі бок прыме якое-небудзь рашэнне, расклад міжнародных цягнікоў будзе адкарэктаваны, і продажы адновяцца. «Гэтая тэхналогія прымяняецца ўсімі чыгуначнымі адміністрацыямі», - заўважыў спецыяліст. ААТ «РЖД» таксама афіцыйна абвясціла аб прыпыненні продажаў праязных дакументаў ва Украіну.

Канстанцін Баяр адзначыў, што ў цяперашні час нельга набыць квіткі на цягнікі ў сумежных дзяржавах з 30 сакавіка ў прамым паведамленні і на некаторыя склады, якія ідуць транзітам праз Украіну ў Расею, з 29 сакавіка. Праязныя дакументы да гэтых лікаў рэалізуюцца ў штатным рэжыме.

Спецыяліст канстатаваў, што чыгуначнае паведамленне Беларусі з украінскімі гарадамі карыстаецца найбольшым попытам у летнія месяцы.