28 сакавiка 2024, Чацвер, 21:13
Падтрымайце
сайт
Сім сім,
Хартыя 97!
Рубрыкі

Чавэс не можа гаварыць

102
Чавэс не можа гаварыць

Улады Венесуэлы паведамілі, што Уга Чавэс не можа гаварыць праз наступствы лячэння.

Адначасова яны паказалі ягоныя фота, зробленыя ў гаванскай клініцы, дзе кіраўнік краіны лечыцца пасля зробленай яму ў снежні хірургічнай аперацыі для выдалення ракавай пухліны, паведамляюць vesti.ru.

На здымках лідар баліварыянскай рэвалюцыі разам з двума сваімі дочкамі, адна з якіх трымае ў руцэ ўчорашні асобнік кубінскай газеты «Гранма». З моманту вылету на Кубу 9 снежня 2012 Чавэс ні разу не з'яўляўся на тэлевізіі, ні ў радыёэфіры.

У кастрычніку мінулага года Уга Чавэс быў абвешчаны пераможцам на чарговых прэзідэнцкіх выбарах, аднак напачатку снежня абвясціў суграмадзянам, што вымушаны зноў вылецець на Кубу, бо мае патрэбу ў правядзенні яшчэ адной хірургічнай аперацыі.

Кіраўнік растлумачыў гэта тым, што ў яго арганізме зноў былі выяўленыя злаякасныя клеткі. Чацвёртая за паўтары гады аперацыя была зробленая ў Гаване 11 снежня. Улады паведамілі, што яна доўжылася шэсць гадзін і прайшла з ускладненнем у выглядзе моцнага крывацёку, які хірургам удалося спыніць.

Затым урад праінфармаваў аб тым, што ў пацыента была выяўленая інфекцыя дыхальных шляхоў, аднак яго стан ацэньваўся як «прагрэсіўны працэс стабілізацыі».

У пэўны момант улады нават паведамілі, што Чавэс ужо ходзіць па шпітальнай палаце і робіць рэкамендаваныя лекарамі практыкаванні, аднак потым была заява аб тым, што ў прэзідэнта паўсталі «новыя пасляаперацыйныя ўскладненні ў сувязі з інфекцыяй дыхальных шляхоў».

Напісаць каментар 102

Таксама сачыце за акаўнтамі Charter97.org у сацыяльных сетках