«Цмокі-Мінск» саступіў маскоўскаму ЦСКА

Баскетбалісты менскага клуба «Цмок-Мінск» 17 лютага ў чарговым матчы Адзінай лігі ВТБ саступілі ў Маскве ЦСКА з лікам 57:68 (18:21, 8:21, 12:22, 19:4).

Балы ў складзе гасцей набіралі Відас Гінявічус (12), Аляксандр Кудраўцаў (10), Павел Ульянка (9), Тыер Браўн, Аляксандр Пустагвар, Аляксей Трасцянецкі (па 6), Дзяніс Коршук і Атэр Маджок (па 4). Пасля 15 гульняў «Цмокі-Мінск» займае апошняе месца сярод 10 каманд групы В, атрымаўшы адну перамогу і пацярпеўшы 14 параз (розніца балаў 1015-1221), паведамляе БелаПАН.

Наступны матч беларускі клуб правядзе 28 лютага дома супраць рыжскага ВЭФ.