Палкоўніка Селіванава прызначылі намеснікам Шэймана

Лукашэнка прызначыў Мікалая Селіванава першым намеснікам Кіраўніка сваімі справамі.

Пра гэта паведамілі агенцтву «Інтэрфакс-Захад» у прэс-службе дыктатара.

Адпаведны ўказ падпісаны ў сераду, праінфармавалі ў прэс-службе.

Раней палкоўнік Мікалай Селіванаў займаў пасаду начальніка галоўнага ўпраўлення будаўніцтва і эксплуатацыі Узброеных Сіл Рэспублікі Беларусь.

Нагадаем, Віктар Шэйман быў прызначаны кіраўніком справамі Лукашэнкі ў пачатку гэтага года пасля таго, як быў звольнены Мікалай Корбут.