Відавочна не той чалавек

Выбары, якія прайшлі ў Арменіі, не выклікалі пратэстаў з беспарадкамі, як у 2008 годзе, але на гэтым добрыя навіны сканчаюцца.

Пра гэта піша Барбара Эртэль, аглядальнік Tageszeitung.

Па словах журналісткі, улады зноў ужылі «ўвесь звычайны рэпертуар»: ціск на выбаршчыкаў, куплю галасоў і «каруселі», гэта значыць неаднаразовую падачу галасоў аднымі і тымі ж людзьмі. Перамога Сержа Саргсяна абумоўлена яшчэ і тым, што пасля адмовы двух вядомых членаў апазіцыі ад удзелу ў выбарах у дзейнага прэзідэнта не засталося сур'ёзных супернікаў.

«Другі тэрмін, напэўна, стане для новага-старога прэзідэнта нялёгкім выпрабаваннем. Каля трэці армян жывуць за рысай беднасці. Маладыя і добра адукаваныя людзі з'язджаюць. Працэс прымірэння з Турцыяй не зрушваецца з месца, паколькі Анкара па-ранейшаму адмаўляецца прызнаць віну за генацыд 1915 года, - пералічвае праблемы Эртэль. - канфлікт з суседнім Азербайджанам з нагоды карабахскага анклава ў любы момант можа зноў выбухнуць гвалтам».

Па словах аўтара артыкула, усе гэтыя праблемы патрабуюць рашучых дзеянняў уладаў, «але Саргсян - відавочна не той чалавек, што здольны на гэта».

Пераклад: Inopressa.ru