У галоўным корпусе БНТУ абвалілася лесвіца

У корпусе Беларускага нацыянальнага тэхнічнага ўніверсітэта, размешчаным на праспекце Незалежнасці, 65, абваліўся лесвічны пралёт.

Пра гэта піша ў сваім акаўнце ў «Фэйсбуку» блогер Андрэй Кабанаў.

Абвальванне адбылося на мінулым тыдні на апошнім паверсе будынка. Толькі дзякуючы адсутнасці там студэнтаў ніхто не пацярпеў. Па гэтай прычыне пра інцыдэнт на паведамлялася раней.

Калі б тое ж самае здарылася з лесвічным пралётам, размешчаным ніжэй, то, хутчэй за ўсё, не абышлося б без ахвяр. А такое цалкам магчыма, бо галоўны корпус універсітэта пабудаваны яшчэ ў 1932 годзе.