Станіслаў Багданкевіч: Масква прыводзіць Лукашэнку ў прытомнасць
35- 22.02.2013, 13:49
Заява аб непрадастаўленні шостага траншу крэдыту ЕўрАзЭС з'яўляецца інструментам ціску на беларускую ўладу.
Такое меркаванне сайту charter97.org выказаў экс-старшыня Нацыянальнага банка Станіслаў Багданкевіч, каментуючы новыя ўмовы па атрыманні шостага траншу крэдыту ЕўрАзЭС.
«Я лічу, што Еўразійскае эканамічнае супольніцтва, а дакладней Расея, адмовіцца ад сваіх планаў па ўключэнню Беларусі ў цеснае супрацоўніцтва на ўсходзе, у тым ліку ў рамках Мытнага саюза. Падобнымі заявамі расейскія ўлады ціснуць на Лукашэнку і прыводзяць яго ў прытомнасць. Не больш за тое», - адзначыў эканаміст.
Ён таксама падкрэсліў, што ў канчатковым выніку Беларусь у асобе Лукашэнкі працягне выконваць дадзеныя абяцанні і пачне продаж прадпрыемстваў, а таксама перадачу дзяржактываў расейскім алігархам.
«Шосты грашовы транш адбудзецца ў любым выпадку. Крэдыты беларускай дзяржаве будуць выдавацца і ў далейшым. Расея зацікаўлена ў чарговым грашовым паступленні для рэжыму Лукашэнкі і ўсяляк будзе дыктаваць яму ўмовы», - сказаў на заканчэнне Станіслаў Багданкевіч.
Нагадаем, учора стала вядома, што ўмераныя тэмпы прыросту крэдытавання эканомікі Беларусі плануецца ўключыць у лік абавязковых нарматываў, выкананне якіх з'яўляецца ўмовай прадастаўлення шостага траншу стабілізацыйнага крэдыту Антыкрызіснага фонду (АКФ) ЕўрАзЭС.