«Камітэт абароны журналістаў»: Спыніце ціск на Ірыну Халіп

Міжнародная арганізацыя звярнулася да беларускіх уладаў.

«Камітэт абароны журналістаў» патрабуе ад афіцыйнага Менска спыніць пераслед журналісткі Ірыны Халіп і не прымушаць яе пакідаць Беларусь.

Пра гэта гаворыцца ў заяве арганізацыі, размешчанай на яе сайце (пераклад - charter97.org).

«Улады Беларусі апусцілася да новага мінімуму, спрабуючы прымусіць незалежную журналістку Ірыну Халіп адправіцца ў выгнанне», - заявіў прадстаўнік арганізацыі Музаффар Сулейманаў, - Яны павінны зняпраўдзіць заяву прадстаўніка менскай міліцыі, які спрабаваў учыніць ціск на яе і цалкам зняць забарону на паездкі для Ірыны Халіп».

Нагадаем, некалькі дзён таму ў Партызанскім РУУС Менска, куды журналістка прыйшла адзначацца. Паводле свайго прысуду, ёй параілі з'ехаць з краіны і не вяртацца назад.

Яе сустрэў начальнік аддзела наглядна-выканаўчай дзейнасці менскай гарадской міліцыі Аляксандр Купчэня. Міліцэйскі начальнік пачаў крычаць на яе і патрабаваў, каб яна як мага хутчэй з’язджала з краіны. «Вам мяжу адкрылі, а вы не едзеце? Ну прызнайцеся, вы нікуды і не збіраліся. Вы не думалі, што вам дадуць дазвол. А вам, насуперак вашым чаканням, далі. Ну так едзьце! Бярыце дзіця, едзьце, атрымлівайце палітычны прытулак, але не вяртайцеся сюды! Вы тут не патрэбныя! Вы толькі факты скажаеце», - заявіў ён.