Тысячы кіяўлян выйшлі на марш супраць рэпрэсій
26- 25.02.2013, 13:15
У цэнтры Кіева праходзіць марш супраць палітычных рэпрэсій.
Удзельнікі акцыі трымаюць сцягі партый «Батькивщина» і «Свабода», Еўрапейскай партыі Украіны, а таксама нацыянальныя сцягі, паведамляе ВВС.
У акцыі прымаюць удзел больш за пяць тысяч чалавек.
Калону маніфестантаў замыкае машына ДАІ, следам рухаецца ўвесь вулічны транспарт.
Адзін з лідэраў «Батькивщины» Мікалай Таменка сказаў журналістам, што марш праводзіцца ў знак пратэсту супраць дзеянняў улады, якая «выкарыстоўвае свабоду зняволеных лідэраў апазіцыі як прадмет гандлю за сяброўства Украіны ў Еўрапейскім Звязе».
У панядзелак у Брусэлі адкрыўся саміт Украіна-ЕЗ. У гэты ж дзень тры гады таму прайшла цэрымонія інаўгурацыі прэзідэнта Украіны Віктара Януковіча.
Фота: gazetavv.com