Гаспадар аўчаркі нацкаваў яе на сям'ю з дзіцем
57- 27.02.2013, 16:36
Інцыдэнт адбыўся ў вёсцы Калядзічы Пружанскага раёна Брэсцкай вобласці.
Пра гэта паведамляе прэс-служба УУС Брэсцкага аблвыканкама.
Учора супраць уладальніка аўчаркі распачалі крымінальную справу.
Увечары 17 лютага ён праз незачыненыя дзверы ўвайшоў у кватэру, якая належыць жыхарцы вёскі Калядзічы 1974 года нараджэння, дзе ў прысутнасці яе мужа і іх 13-гадовай дачкі нацкаваў на яе аўчарку. Як паведамляе прэс-служба УУС, уладальнік сабакі зрабіў гэта «з хуліганскіх падахвочванняў, выкарыстоўваючы застрашвалыя якасці сабакі і падаючы каманды да нападу на прысутных».
У выніку ўкусаў сабакі гаспадыні кватэры прычыненыя лёгкія цялесныя пашкоджанні.
Пра прычыны ўчынку ўладальніка сабакі не паведамляецца. Яму пагражае турэмны тэрмін да 3 гадоў.