Памёр рэдактар Дэкларацыі правоў чалавека
5- 27.02.2013, 18:02
У Францыі ў веку 95 гадоў памёр пісьменнік і ўдзельнік Руху супраціву Стэфан Эсэль.
Падчас Другой сусветнай вайны Эсэль быў схоплены нацыстамі і змешчаны ў канцлагер. Пасля вайны ён удзельнічаў у стварэнні Усеагульнай дэкларацыі правоў чалавека ў якасці рэдактара, піша ВВС.
Тры гады таму ён апублікаваў маніфэст «Time for Outrage» («Час для гневу»), што, як мяркуецца, натхніў арганізатараў руху «Акупуй Уол-стрыт».
У сваім творы Стэфан Эсэль кажа пра патрэбу ліквідацыі няроўнасці паміж багатымі і беднымі шляхам «мірнага негвалтоўнага паўстання» супраць фінансавага капіталізму.
Было прададзена некалькі мільёнаў брашур з гэным маніфэстам ва ўсім свеце.