Прэзідэнта Чэхіі хочуць абвінаваціць у дзяржаўнай здрадзе
5- 27.02.2013, 18:50
Апанэнты Вацлава Клаўса сабралі большасць галасоў у парламэнце для таго, каб абвінаваціць яго ў здрадзе радзіме.
Пра гэта паведаміла ў сераду чэшская газета «Рэспэкт».
Паводле інфармацыі выдання 28 сэнатараў - на аднаго больш, чым трэба для прыняцця ініцыятывы, - выступілі за разгляд гэтага пытання, піша «Інтэрфакс».
Маршалак парламэнта Чэхіі Мілан Штэк мусіць у сераду вызначыць дату пачатку дэбатаў.
Як паведамляецца, толькі сэнат мае права абвінаваціць прэзідэнта ў здрадзе ў канстытуцыйным судзе.
Пачаць абмеркаванне гэтага пытання дэпутатаў заахвоціла амністыя, пра якую надоечы абвясціў прэзідэнт. Дзякуючы амністыі было спыненае судаводства ў шэрагу спраў, звязаных з махлярствам высокапастаўленых асоб, піша «Рэспэкт».
Максімальна магчымае пакаранне для прэзідэнта ў выпадку абвінавачванні ў здрадзе - страта сваёй пасады. Як адзначаецца, тэрмін кіравання кіраўніка дзяржавы сканчаецца 7 сакавіка.