У вучылішчы алімпійскага рэзерву памёр 15-гадовы навучэнец

Пра гэта паведамілі сябры падлетка.

У самым вучылішчы не сталі нічога каментаваць, піша «Наша Нiва».

«Дырэктар - у адпачынку, чалавека, які выконвае абавязкі, не прызначылі. І ніхто не будзе з вамі на гэтую тэму размаўляць. Ніякай інфармацыі мы не даем», - паведамілі ў прыёмнай.

Па словах сяброў загінулага Сяргея, яму стала дрэнна ў душы пасля трэніроўкі. Там ён і памёр. Здарылася ўсе 5 лютага каля 13 гадзін.

Паводле папярэдняй інфармацыі, прычына смерці - адрыў тромба.

Хлопец - з Вілейкі. Першы год навучаўся ў вучылішчы алімпійскага рэзерву - займаўся баскетболам.