Украіна не мае намеру плаціць па пазове «Газпрама»
34- 7.02.2013, 15:25
Кіеў не лічыць мэтазгодным выплачваць «Газпраму» 7 млрд даляраў за недабор газу ў 2012 годзе.
Пра гэта заявіў міністр энергетыкі і вугальнай прамысловасці Украіны Эдуард Ставіцкі, перадае ВВС.
«Мы далі адказ, што мы не лічым мэтазгодным выконваць рахунак у 7 млрд, гэта значыць аплачваць, таму што ў нас няма падстаў», - сказаў міністр.
Украіна раней абвясціла пра скарачэнне спажывання расейскага газу да 27 млрд кубаметраў.
Нагадаем, 26 студзеня нацыянальная акцыянерная кампанія «Нафтагаз Украіны» атрымала ад «Газпрама» рахунак на $7 млрд.
Прычынай яго стала тое, што кампанія купіла ў мінулым годзе менш газу, чым прадугледжана дзеючым кантрактам.