Прыгожа жыць не забароніш
146- 11.03.2013, 11:57
Віцебскія чыноўнікі замовілі таніраваны мікрааўтобус за $85 тысяч.
Заяўка на куплю аўтамабіля размешчаная аблвыканкамам на афіцыйным сайце Нацыянальнага цэнтра маркетынгу і кан'юнктуры коштаў, піша onliner.by.
Дзесяцімесны аўтамабіль у базавай камплектацыі каштуе ў афіцыйнага дылера ў Беларусі $67,7 тыс. Аднак у пакеце дакументаў маецца прыстойны спіс дадатковых опцый, які павялічвае кошт мікрааўтобуса прыкладна да $85 тыс.
У лік неабходных для Віцебскага гарвыканкаму опцый аўтамабіля ўваходзяць: цёмнае таніраванае шкло privacy у салоне, электрапрывад ссоўных дзвярэй справа з дажымам, 3-занальны кандыцыянер «Кліматронік», рашотка радыятара з храмаванымі ўстаўкамі, Bi-Xenon, шматфункцыянальнае скураное рулявое кола з пераключацелямі для кіравання радыё і мабільным тэлефонам, скураная дзяржальня рычага пераключэння перадач і стаянкавага тормазу, выкананне для тых, хто паліць - прыпальвальнік і попельніцы.
Крыніца фінансавання пакупкі - абласны бюджэт.
Прыём прапаноў на выкананне заяўкі ажыццяўляецца з 7 па 27 сакавіка, а самі таргі пройдуць 4 красавіка.