Паўлу Лёгкаму знайшлі замену
10- 16.03.2013, 10:33
У беларускага правадыра з'явіўся новы прэс-сакратар.
Ім стаў Сяргей Пелюшкевіч, паведамляе расейскае выданне «Коммерсант». Пра гэта стала вядома пасля сустрэчы беларускага правадыра і расейскага прэзідэнта ў Санкт-Пецярбургу.
«Пасля пасяджэння пашыраным складам, якое доўжылася нядоўга (у параўнанні з чатырохстаронняй сустрэчай), Уладзімір Пуцін і Аляксандр Лукашэнка выйшлі зрабіць заяву для прэсы. Звяртала на сябе ўвагу, што ў Лукашэнкі новы прэс-сакратар - Сяргей Пелюшкевіч. Павел Лёгкі, які быў з Лукашэнкам шмат гадоў, набраў палітычную вагу і пайшоў на лёгкую працу дарадцам-пасланнікам у беларускую амбасаду ў Маскве», - піша газета.
Афіцыйнага пацверджання гэтай інфармацыі пакуль няма.