Дзёрзкае рабаванне ў Гомелі

У адну з крам Гомеля зайшлі рабаўнікі ў марлевых павязках.

Як паведамляе прэс-служба МУС, у 21.47 у міліцыю звярнулася прадавец адной з крам і заявіла, што ў 21.45 у названую краму зайшлі двое невядомых, яны былі ў марлевых павязках.

Пад пагрозай прадмета падобнага на пісталет яны завалодалі 853 тыс. рублёў грашовай выручкі і схаваліся.

У ходзе ўведзенага плана «Сірэна» за злачынства затрыманыя двое мясцовых жыхароў (абодва 1991 г.н.), непрацуючыя. Частка выкрадзенага была канфіскаваная.