28 сакавiка 2024, Чацвер, 20:15
Падтрымайце
сайт
Сім сім,
Хартыя 97!
Рубрыкі

Відэазварот студэнткі медуніверсітэта: Не хачу мець кантактаў з КДБ

100

Ганна Папкова, студэнтка Віцебскага дзяржаўнага медыцынскага ўніверсітэта адмовілася супрацоўнічаць з КДБ.

Пра гэта яна распавяла ў аўтаінтэрвью і выклала відэа ў інтэрнэт.

Супрацоўнік КДБ прыйшоў да дзяўчыны ва ўніверсітэт і паспрабаваў завербаваць. Ёй прапаноўвалася «стукаць» на чалавека, датычнага, на думку КДБ, да выбуху ў Віцебску. Гаворка ідзе пра выбух, які прагрымеў каля будынка КДБ у Віцебску 11 лістапада мінулага года. Ніхто не пацярпеў. У злачынстве абвінавачваецца 42-гадовая жанчына, жыхарка Віцебска.

«Ведаю, што Ваш сайт кожны дзень наведвае вялікая колькасць людзей. Спадзяюся, што пасля таго, як гэта відэа з'явіцца на Вашым сайце, КДБ назаўсёды пакіне мяне ў спакоі і я змагу спакойна давучыцца ў сваім універсітэце. Я вельмі баюся, што мяне і ў будучыні могуць выкарыстоўваць для «зліву» інфармацыі на ні ў чым не вінаватых людзей, таму буду вельмі ўдзячная за дапамогу», напісала ў рэдакцыю charter97.org Ганна.

Напісаць каментар 100

Таксама сачыце за акаўнтамі Charter97.org у сацыяльных сетках