Пуцін хоча абмежаваць імпарт у Мытным саюзе

Расея, Казахстан і Беларусь абмяркоўваюць пытанні абмежавання імпарту ў Мытным саюзе, якія б не супярэчылі прынцыпам СГА.

Пра гэта заявіў прэзідэнт Расеі Уладзімір Пуцін на сустрэчы з прадпрымальніцкай супольнасцю ў Варонежы, паведамляе «Інтэрфакс».

«Мы цяпер з калегамі з Мытнага саюза - і з беларусамі, і з казахамі - як раз думаем пра тое, як прыняць адпаведныя пастановы ў рамках Мытнага саюза, але так, каб гэтыя пастановы не супярэчылі прынцыпам СГА», - сказаў ён.

Паводле слоў прэзідэнта Расеі, «такія варыянты магчымыя».