28 сакавiка 2024, Чацвер, 14:04
Падтрымайце
сайт
Сім сім,
Хартыя 97!
Рубрыкі

Суд над Баўмгертнерам будзе закрытым

18
Суд над Баўмгертнерам будзе закрытым

Судовы працэс над гендырэктарам «Уралкалію» Уладзіславам Баўмгертнерам, хутчэй за ўсё, будзе закрытым.

Пра гэта паведаміў журналістам у пятніцу яго адвакат Дзмітрый Гарачка, адказваючы на пытанне агенцтва «Інтэрфакс-Захад».

«Хутчэй за ўсё, ён будзе закрытым», - сказаў Гарачка.

Пры гэтым ён падкрэсліў, што «ніякіх асаблівасцяў разгляду дадзенай крымінальнай справы не будзе, усё будзе ў адпаведнасці з Крымінальна-працэсуальным кодэксам Беларусі».

Закранаючы пытанне змены меры стрымання Баўмгертнеру, якую сёння абскардзяць адвакаты ў Менскім гарадскім судзе, Гарачка сказаў, што «калі скаргу не задаволяць, то мы яе будзем абскарджваць далей».

Ён таксама адзначыў, што расследаванне крымінальнай справы ў дачыненні да генеральнага дырэктара «Уралкалію» можа доўжыцца паўтара года.

«Згодна з крымінальна-працэсуальным кодэксам Беларусі, следства можа доўжыцца да паўтара года», - сказаў Гарачка.

Адвакат таксама паведаміў, што падчас сустрэч у СІЗА Баўмгертнер не выказвае скаргаў і прэтэнзій на ўтрыманне. Ён таксама паведаміў, што яго падабаронны «будзе дамагацца, каб да яго дапусцілі на спатканне яго маці, пакуль што гэтага дазволу не атрымана».

Гендырэктар «Уралкалію» быў затрыманы ў Менску ў канцы жніўня. Следчы камітэт Беларусі прад'явіў яму абвінавачанне ў злоўжыванні ўладай і службовымі паўнамоцтвамі, абраўшы меру стрымання ў выглядзе ўтрымання пад вартай.

Прадметам расследавання стала гісторыя разрыву супрацоўніцтва расейскага калійнага гіганта і «Беларуськалію», на долю якіх прыпадае больш за 40% сусветных продажаў хлорыстага калію - важнага віду угнаенняў. «Дружба» паміж «Уралкаліем» і «Беларуськаліем» спынілася ў канцы ліпеня, калі «Уралкалій» скасаваў дамову з кампаніяй па продажы ўгнаенняў БКК, якая была створаная сумесна з «Беларуськаліем», паставіўшы пад пагрозу стабільнасць экспарту беларускай кампаніі. У сувязі з гэтым рашэннем удзельнікі рынку прагназавалі зніжэнні коштаў на калійныя ўгнаенні ніжэй 300 даляраў з цяперашніх 400 даляраў за тону.

Раней гендырэктар «Беларуськалію» Валерый Кірыенка заявіў, што Беларусь вывучае магчымасць прад'явіць юрыдычныя прэтэнзіі «Уралкалію» ў сувязі з сітуацыяй з «Беларуськаліем».

Фота: ІТАР-ТАСС

Напісаць каментар 18

Таксама сачыце за акаўнтамі Charter97.org у сацыяльных сетках