27 чэрвеня 2019, Чацвер, 4:11
Мы ў адной лодцы
Рубрыкі

Андрэй Іларыёнаў: Вайну Пуцін рыхтаваў 11 гадоў, і яна будзе доўгай

47

Вайна з Украінай, на думку Крамля, павінна стаць часткай «чацвёртай сусветнай».

Аб гэтым заявіў экс-дарадца прэзідэнта Расеі Андрэй Іларыёнаў, які цяпер займае пасаду старэйшага навуковага супрацоўніка Цэнтра Інстытута Катона ў глабальнай свабодзе і росквіту (Вашынгтон), у сваім выступе на канферэнцыі, якая адбылася ў Брусэлі, піша УНИАН.

Эксперт перакананы, што падзеі ва Украіне нельга называць «ні крызісам ва Украіне, ні ўкраінскім крызісам». «Гэта ўжо не крызіс, а вайна. Гэта вайна ў вельмі простым сэнсе гэтага слова», - заявіў ён.

Паставіўшы пытанне, якога віду гэтая вайна, Іларыёнаў сам на яго адказаў: «Гэта - расейска-украінская вайна. Калі быць больш дакладным, гэта вайна Пуціна супраць Украіны». «Большасць расейцаў не падтрымліваюць гэтую вайну. Вайна Пуціна супраць Украіны ўжо з'яўляецца доўгатэрміновай», - перакананы эксперт.

Сваё меркаванне адносна таго, чаму гэтая вайна з'яўляецца доўгачасовай, Іларыёнаў пачаў тлумачыць тым, што, па ягонаму перакананню, яна рыхтавалася, мінімум 11 гадоў. «З 2003 года. Я магу сказаць, што ў маёй прысутнасці абмяркоўваліся некаторыя пытанні будучай вайны супраць Украіны. У той час я не думаў, што гэта абмеркаванне сапраўды прывядзе да сапраўднай вайны», - сказаў ён.

Далей эксперт успомніў 2004 год, калі падчас Аранжавай рэвалюцыі правяралася падрыхтоўка далейшай акупацыі і анэксіі Крыма, у 2008 годзе была апублікаваная ў «Рускім часопісе» ўцечка плана вайсковага камандавання, «у якім вы ўбачыце праект вайны супраць Украіны, апісаны ў дэталях», з 2009 - паведамленне аб дзеяннях, накіраваных на падтрымку сепаратыстаў ва Украіне.

«Менавіта таму гэтую вайну рыхтавалі вельмі доўга. Іншая справа, што гэта - працяглая вайна, якая доўжыцца ўжо больш чым 16 месяцаў, і была афіцыйна пачатая 27 ліпеня 2013 ў выступе Пуціна ў Кіеве з нагоды Хрышчэння Кіеўскай Русі. Там вы знойдзеце выразныя выказванні пра пачатак гібрыднай кампаніі, інтэрвенцыі - не вайны», - мяркуе ён.

Іларыёнаў таксама мяркуе, што, «на жаль, гэтая вайна хутка не скончыцца». «Мы бачым, што Пуцін кажа тое, што ён робіць. Мы маем справу з доўгатэрміновай вайной. Але гэта не толькі вайна Пуціна супраць Украіны», - перакананы эксперт.

У гэтым аспекце ён успомніў праблемы з Грузіяй, Арменіяй, Азербайджанам, Прыднястроўем, Казахстанам. «Пуцін сказаў, што Казахстан не мае гістарычнай дзяржаўнасці. Гэта выразна значыць, што дзяржава, якая не мае гістарычнай дзяржаўнасці, можа яе страціць, калі Назарбаева не будзе побач», - сказаў эксперт, паказаўшы і на падзеі, якія за апошнія некалькі тыдняў адбыліся ў Латгаліі - Усходняй Латвіі, дзе пражывае рускамоўнае насельніцтва.

«Намер (у Пуціна) такі ж, як у Крыме і на ўсходзе Украіны - той жа падыход. Гэта - выклік не толькі постсавецкім краінам і рэспублікам, гэта выклік усяму ЕЗ і NATO. А на гэты выклік няма адказу», - падкрэсліў Іларыёнаў.

Эксперт кажа, што мэтай такіх дзеянняў з'яўляецца «разбурыць парадак, які існуе ў Еўропе апошнія дзесяцігоддзі».

Іларыёнаў таксама паказаў на два апошнія выступы Пуціна на Валдаі і ў Сочы, «якія маюць вялікую важнасць для любой еўрапейскай палітыкі». У сувязі з гэтым ён правёў параўнанне гэтых выступленняў з лістамі Адольфа Гітлера, якія былі адпраўленыя прэм'ер-міністру Вялікабрытаніі Чэмбэрлену 23 і 25 жніўні 1939, у якіх Гітлер прапаноўваў змяніць сусветны парадак.

Эксперт сцвярджае, што існуе 25 агульных момантаў паміж гэтымі лістамі і выступамі Пуціна, «амаль напісаных пад капірку». «Амаль слова ў слова, прапанова ў прапанову, ідэя ў ідэю. Толькі некалькі месяцаў таму мы казалі пра ідэю Пуціна аднавіць так званы «Рускі свет». Гэта ўжо састарэла. Цяпер амбіцыі значна вышэйшыя. Гэта прапановы па змяненні сусветнага парадку, міжнароднай сістэмы, якая існуе з канца Другой сусветнай вайны. Таму цяпер мы маем справу не з рэгіянальнымі праблемамі, такімі, як вайна Пуціна супраць Украіны ці вайна супраць суседзяў на постсавецкай прасторы, або вайна супраць ЕЗ і NATO. Гэта змяненне ўсяго сусветнага парадку», - кажа Іларыёнаў.

З ягоных слоў, Пуцін і «яго машына прапаганды выразна сказалі, што гэта чацвёртая сусветная вайна». «Калі вы іх слухаеце, то гэта цалкам зразумела. Яны расцэньваюць халодную вайну як трэцюю, і цяпер кажуць, што яны ў чацвёртай сусветнай вайне, каб змяніць правілы гульні», - мяркуе эксперт.

Іларыёнаў успомніў і два элемента такой канфрантацыі. «Гэта - інфармацыйная вайна ці, сказаць правільней, дэзінфармацыйных вайна на ўсіх мовах, якая стварае новае бачанне сусветнага парадку. На жаль, мы павінны прызнаць, што яны дасягнулі пэўнага поспеху не толькі ў Расеі але і ў іншых месцах», - сказаў ён.

Іншым элементам экс-дарадца назву «ядзерны шантаж». «Гэта найбольш небяспечна. Любы адказны палітык у Еўропе ці Амерыцы будзе рабіць усё магчымае, каб прадухіліць ядзерную вайну. Менавіта таму прапанову, што змяшчаецца ў выступе Валдаі-Сочы вельмі выразная - вы павінны ўспрыняць новыя ўмовы сусветнага парадку, інакш я буду пагражаць ядзернай зброяй. Гэты выклік, на які свет яшчэ не мае адказу», - трактуе выступы Пуціна эксперт.

У гэтай сувязі Іларыёнаў выказаў перакананне, што канец гэтай вайне «прыйдзе тады, калі Расея будзе свабоднай і дэмакратычнай дзяржавай». «Пакуль Расея будзе знаходзіцца пад дыктатарства, рызыкі і пагрозы для свету будуць існаваць», - мяркуе Іларыёнаў.