Андрэй Суздальцаў: Расейцы плацяць даніну Лукашэнку

Нелегальны ўвоз тавараў з Еўразвязу праз Беларусь - традыцыйны шантаж, якім Лукашэнка займаецца з першых гадоў свайго кіравання.

Пра гэта заявіў у інтэрв'ю «Регнум» намеснік дэкана факультэта сусветнай эканомікі і сусветнай палітыкі НДУ ВШЭ Андрэй Суздальцаў, каментуючы скандал вакол кантрабанднага ўвозу харчавання з Беларусі ў Расею.

«Першае пагадненне аб утварэнні адзінай мытнай прасторы паміж Расеяй і Беларуссю было падпісанае яшчэ ў 1995 годзе, - сказаў эксперт. - І ўжо ў 1997 годзе расейскія мытнікі пачалі ўзмацняць пункты кантролю ў сувязі з патокам кантрабанды, якая хлынула ў Расею. Увозілі даслоўна ўсё. Гарэлку, курыныя кумпячкі сумнеўнага паходжання, незабыўны спірт Royal і многае іншае. Карыстаючыся недасканаласцю прававой базы мытнай зоны, улады Беларусі ўвозілі ў Расею велізарную колькасць харчавання з трэціх краін, і да таго ж актыўна канфіскоўвалі расейскія транзітныя грузы. Гэта стала адным з вельмі буйных даходных артыкулаў беларускага бюджэту. Пікам стаў 2005 год, калі абарот ад расейскага канфіскату склаў блізу 200 мільёнаў даляраў».

«На жаль, цяпер расейская ўлада не ўлічвае той негатыўны досвед, - канстатаваў Суздальцаў. - Мы зноў аддалі кантроль над мяжой у рукі Менска. У нас няма ні пісьменнага заканадаўства, ні нават выразна адладжанай статыстыкі ўвозу і вывазу тавараў. Усё працуе выключна паводле іх законаў. Гэта страшная памылка расейскага кіраўніцтва. Цяперашнія антырасейскія санкцыі ўдыхнулі новае жыццё ў кантрабандны рынак Беларусі. Першае ж, што зрабіў Менск пасля іх увядзення, - адправіў запыт у Нарвегію што да паставак ласося. Натуральна, у Расею пад беларускай маркіроўкай. Цяпер паток кантрабанды, магчыма, ужо можа параўнацца з сярэдзінай 2000-х. Штодня ад 100 да 150 фур перасякаюць расейскую мяжу з нібыта беларускімі таварамі. Пастаўляюць украінскі сыр у велізарных колькасцях, садавіну, у тым ліку, апельсіны, бананы, натуральна, «чыста беларускія». Асноўны паток тавараў увозіцца такім чынам з Францыі, Польшчы, Італіі, Гішпаніі».

«Парадокс, але тое, што цяпер істотна выраслі кошты на гародніну, садавіна, - сказаў Суздальцаў, - у значнай меры заслуга Менска. За тое, што грамадзяне плацяць сёння ад 80 рублёў за кілаграм апельсінаў, - дзякуйце прэзідэнту Беларусі. Наша пераплата за прадукты - гэта, па сутнасці, даніна спадару Лукашэнку. Не будзе лішнім таксама згадаць, што велізарная колькасць кантрабандных тавараў - вельмі нізкай якасці. Той ж селядзец пад маркай «Маціяс» - трэцягатунковы. Гэта адкіды еўрапейскага рынку. Беларускае кіраўніцтва фактычна дэманструе гэтым, што расейскі спажывец усё сцерпіць».

«Мы не кантралюем свой рынак, - сказаў на заканчэнне эксперт. – Праз непрадуманай пабудовы Мытнага саюза мы дазваляем нахабна сябе абкрадаць. Так далей працягвацца не можа».