Цягнікі да аэрапорта пусцяць 7 лістапада

Цягнікі ў напрамку Нацыянальнага аэрапорта Менск плануецца пусціць 7 лістапада.

Пра гэта паведаміў міністр транспарту і камунікацый Беларусі Анатоль Сівак, перадае БелТА.

«Праект па стварэнні чыгуначнага паведамлення з Нацыянальным аэрапортам Менск распрацаваны, канцэпцыя ўзгодненая ва ўрадзе. Праца вядзецца, і мы паставілі сабе задачу закрыць гэтае пытанне 7 лістапада», - сказаў міністр.

Спецыялісты Міністэрства транспарту і камунікацый удакладнілі, што на першым этапе будзе арганізаваны рух па наяўнай чыгуначнай лініі на сучасных дызель-цягніках. Існуючы чыгуначны шлях будзе падоўжаны амаль да самога аэрапорта. Тыя, што засталіся 550 м да аэрапорта, пасажыры змогуць пераадолець на спецыялізаваных аўтобусах з нізкай падлогай або пры дапамозе травалатара (бесступенькавая дарожка, якая рухаецца - Заўв. БЕЛТА). Пасля рэалізацыі першага этапу праекта дастаўляць пасажыраў і абслугоўваючы персанал у Нацыянальны аэрапорт Менск мяркуецца з Менска, Барысава і Смалявічаў. Пасля плануецца пабудаваць з'езд з цяперашняга чыгуначнага шляху і электрыфікаваць увесь участак да аэрапорта.

Раней у БЧ заяўлялі, што праект стварэння чыгуначнай галінкі ад сталіцы да Нацыянальнага аэрапорта Менск павінен быць камерцыйным. Рэалізацыя праекту таксама разглядаецца ў цеснай увязцы з развіццём спадарожнай горадабудаўнічай і сацыяльнай інфраструктуры. Мяркуецца, што з'яўленне чыгуначных зносін да галоўнага аэрапорта краіны будзе садзейнічаць павелічэнню пасажырапатоку і павышэнню канкурэнтаздольнасці магістралі.