12 жнiўня 2022, Пятніца, 12:38
Сім сім, Хартыя 97!
Рубрыкі

Невядомыя завязалі перастрэлку ў Сімферопалі

61

Баевікі без знакаў адрознення пачалі страляць з аўтаматаў Калашнікава на вуліцах Сімферопаля.

Кароткі бой адбыўся ля Дома Прафсаюзаў паміж двума групамі ўзброеных людзей, паведамляе «5 канал».

Група невядомых нібыта паспрабавала штурмаваць будынак, які занялі прарасейскія баевікі. Міліцыя сітуацыю пакуль не каментуе. Удзельнікі бою таксама нічога не распавядаюць аб сутыкненні.

Падчас перастрэлкі ніхто не пацярпеў.

Нагадаем, расейскія вайскоўцы цягам апошніх дзён захапілі шэраг аб'ектаў у Крыме. Акрамя таго, узброеныя баевікі ўзялі штурмам адміністрацыйныя будынкі ў Данецку і Харкаве.

1 сакавіка Савет Федэрацыі Расеі пастанавіў даць згоду прэзідэнту РФ Уладзіміру Пуціну на выкарыстанне Узброеных сіл на тэрыторыі Украіны.