29 сакавiка 2024, Пятніца, 9:06
Падтрымайце
сайт
Сім сім,
Хартыя 97!
Рубрыкі

«Гетман Сагайдачны» прымусіў расейскія караблі пакінуць воды Украіны

43
«Гетман Сагайдачны» прымусіў расейскія караблі пакінуць воды Украіны

Фрэгат «Гетман Сагайдачны» вымусіў ваенныя караблі Расеі пакінуць тэрытарыяльныя воды Украіны.

Флагман ВМС Украіны фрэгат "Гетман Сагайдачны" пакінуў Адэсу для выканання баявых задач ва ўкраінскіх тэрытарыяльных водах і вымусіў расейскія караблі пакінуць украінскія тэрытарыяльныя воды.

Пра гэта паведамілі ў камандаванні Ваенна-марскіх сіл, піша obozrevatel.com.

Фрэгат выйшаў з адэскага порта яшчэ 14 сакавіка і прыбыў у пэўны раён Чорнага мора. Там ён выявіў чатыры ваенных карабля Чарнаморскага флоту Расеі і два верталёты агнявой падтрымкі Мі-35. Расейцы спрабавалі перасекчы марскую мяжу Украіны.

Камандзір "Сагайдакачнага" капітан першага рангу Раман Пятніцкі ўступіў у перамовы з парушальнікамі і запатрабаваў ад іх пакінуць тэрытарыяльныя воды нашай краіны, аднак праціўнік не змяніў курсу і працягваў рухацца ў бок Украіны.

У сувязі з гэтым на ўкраінскім фрэгаце была абвешчаная баявая трывога, карабель зблізіўся з расейскімі адзінкамі. У выніку расейцы адступілі ў нейтральныя воды.

Узбраенне "Сагайдачнага" падчас інцыдэнту не ўжывалася. У цяперашні час фрэгат працягвае патруляваць марскую мяжу Украіны.

Нагадаем, 2 сакавіка флагман ВМС Украіны фрэгат "Гетман Сагайдачны" заявіў аб вернасці прысязе Украіне.

Фота: produced.in.ua

Напісаць каментар 43

Таксама сачыце за акаўнтамі Charter97.org у сацыяльных сетках